🔯 *!!...महावृक्ष आणि दिशा...!!* 🔯

🔯 *!!...महावृक्ष आणि दिशा...!!* 🔯

वृक्षायुर्वेद ग्रंथात सूरपाल म्हणतात-  जे देवालय, मठ आणि घर हे सूर्यकिरण व वारायांपासून वंचित राहतील ते शुभ फल देणार नाहीत. सूरपाल म्हणतात, दहा पुत्रासमान असतो एक वृक्ष.

कोणत्याही  वृक्षाची सावली घरावर पडू नये आणि सोनं देणारा जरी वृक्षअसेल तरी त्याची सावली मुख्य प्रवेशद्वारावर पडू नये. दरवाजाच्या अगदी समोर झाड येणं हा महादोष आहे, त्यामुळे द्वारवेध होतो, अनिष्ट फळं मिळतात.

सर्वच प्राचीन ग्रंथकारांनी वड (न्यग्रोध), पिंपळ (अश्वत्थ), औदुंबर आणि पाकर (प्लक्ष) या चार महावृक्षांचा विशेष विचार केला आहे....

पूर्वेला वड, पश्चिमेला पिंपळ, उत्तरेला प्लक्षआणि दक्षिणेला औदुंबर शुभप्रद असतात. पण यापेक्षा वेगळ्या दिशेलाहे वृक्ष असतील तर?.. तर लक्षात ठेवा की, हे यज्ञीय वृक्ष आहेत. चुकीच्या दिशेत आलेला एक वृक्ष संपूर्ण प्लॉटमध्ये महादोष उत्पन्न करूशकतो. विपरीत दिशांना महावृक्ष असता मिळणारी फळे...

*वड* - स्त्रीपिडा,राज्यकर्त्यापासून त्रास.

*पिंपळ* - भय , अनारोग्य .

*प्लक्ष* - पराभव , हानी ,

 प्रगतीत खंड. 

*उंबर* - नेत्र पिडा , धनहानी.

 

चुकीच्या दिशेतील पिंपळामुळे अग्नीभय, प्लक्षामुळे प्रमाद, वडामुळे शत्रूच्या शस्त्र पासून भय आणि औदुंबरामुळे पोटाचे विकार होतात...

*वस्तू प्रदीप ग्रंथात दिशा नुसार वृक्ष विचार...*

ईशान्येला -आवळा ,

नैऋत्येला - चिंच , 

आग्नयेला  डाळिंब,  वायव्येला – बिल्व.

 

वड, पिंपळ, औदुंबर आणि प्लक्ष हे चार महावृक्ष आणि यज्ञीयवृक्ष आहेत. यापैकी एकही वृक्ष चुकीच्या दिशेला आला, तर प्लॉटमध्ये दोष उत्पन्न करतो...

हे चार महावृक्ष शक्यतो तोडू नयेत. अगदी इलाजच नसेल तर प्रथम एक फांदी तोडून प्लॉटच्या बाहेर लावावी. ती जगली की मगच महावृक्ष तोडावा...

महावृक्ष तोडण्यापूर्वी वृक्ष तोडण्याचा विधी पाळावा. शिवाय ब्राह्मणांकडून या वृक्षांची पूजा, स्वस्ति वाचन, ब्राह्मण भोजन अशा गोष्टीही कराव्यात... 

महावृक्ष प्लॉटमध्ये चुकीच्या दिशेत असेल आणि तोडायचा नसेल तर प्रथम त्याला छाटून त्याचा पसारा कमीत कमी करावा. नंतर त्याच्या बाजूला त्या दिशेचा महा वृक्ष लावावा. (उदा. पूर्व असेल तर वड लावावं) आणि त्याभोवती अशोक, नारळ, बकुळ, शमी, तुळस असे शुभ वृक्ष लावावेत. महावृक्ष बुंध्यापासून तोडण्यापेक्षा हा दुसरा पर्याय पाळावा. हे चारही वृक्ष कुठेही रुजतात, म्हणून प्लॉटमध्ये आणि सोसायटीच्या आवारात लक्ष ठेवावं. हे वृक्ष आवारात कुठेही उगवलेले निदर्शनास आले तर लहान असतानाच त्यांना उपटावेत आणि कंपाऊंडच्या बाहेर किंवा शक्यतो रस्त्याच्या दुतर्फा किंवा देवालयाच्या आवारात किंवा कुठे तरी मोकळ्या जागेत लावावेत...

 

*जंगल प्रजातीची झाडं घराला खेटून लावू नयेत.*

घराभोवती किंवा सोसायटीत मोकळी जागा पुरेशी नसेल, तर फक्त नारळ आणि अशोकाची झाडं लावण्यावर भर द्यावा. महावृक्ष लावायचीच असतील, तर विवक्षित दिशेप्रमाणं लावावीत. ख्रिसमसट्री सारखी पिरॅमिड आकाराची झाडं , सरळ व उंच वाढणारी दक्षिण किंवा नैऋत्य प्रभागात लावावीत.

 

*झाडांच्या फांद्या घराला किंवा इमारतीला स्पर्शू नयेत.* 

डेरेदार झाडाच्या सावलीखाली घर येऊ नये. 

१ प्रहर झाल्यावर वृक्षाची सावली घरावर पडत असल्यास अशुभ . तीन प्रहरानंतर पडणाऱ्या सावलीचा दोष नाही (१ प्रहर = ३ तास).

 

बंगल्याच्या भिंतीवर वाघनखी नावाच्या वेली वाढविण्याचा प्रकार सर्रास आढळतो. या वाघनखी किंवा तत्सम वेली वा झुडुपं तुमच्याही घराच्या भिंतीवर वाढलेल्या / वाढविलेल्या असतील तर ताबडतोब काढून टाका.

 

काटेदार किंवा चीक गळणारी झाडं घरात वा आवारात नकोत. (अपवाद गुलाब ). लाल रंगाची फूलं देणारं झाड आग्नेयला अजिबात नको - लाल गुलाब व जास्वंदीची झाडं. गुलाब पूर्व, उत्तर, आग्नेय व वायव्येला चालेल.

 

दूधवाले वृक्ष, वड, पिंपळ, भोकर, लालफूल देणारं झाड, प्लक्ष, औदुंबर यापैकी काहीही आग्नेयेला असेल तर तीव्र वाईटफळं मिळतात.

 

पपई, डाळिंब, बोरी, लिंब, केळी, फणस घरा भोवती नकोत. बिजापुरक वृक्ष संततीस हानिकारक मानण्यात आले आहेत. बिजपुरक व फळे देणारा डाळिंब अपवाद म्हणून फक्त आणि फक्त अग्नेयाला चालेल असे काही शास्त्रकारांचे मत आहे. (रक्त / वीर्य वृद्धी करणारा - मंगल / शुक्र प्रतिनिधित्व ).

 

दक्षिण, नैऋत्य व अगदी ईशान्येस फुलबाग असू नये. पश्चिम, उत्तर, वायव्य व पूर्वेला फुलबाग चालेल. पश्चिमेस शोष व असुर विभाग प्रशस्त.

वायव्ये च्या बाल्कनीत मोगऱ्याची जास्तीत जास्त झाडं लावावीत. ईशान्येला बाल्कनी असेल तर तेथे कोणत्याही झाडाच्या कुंडय़ा ठेवू नका. फक्त तुळस चालेल, घरात तुळस हवीच. तुळशीची रोपं कुठेहीलावावीत, कितीही लावावीत. विशेषत: नैऋत्येला तुळस लावावी. 

 

घरात संततीसंदर्भात काही समस्या असेल, तर आवारात एक सुद्धा फळझाड ठेवू नका. घराच्या दारासमोर झाड नको. कोणत्याही झाडाची सावली दरवाजावर पडूनये. गच्ची / टेरेसवर फुलबाग चालेल मात्र अगदी ईशान्येत असू नये.

 

बोन्साय वास्तूत असू नये - लहान मुलं गोंडस असतात व घरात चैत्तन्य निर्माण करतात परंतु त्याची वाढ खुन्ठल्यास कसे वाटेल 

 

महिन्यातून एकदा तरी कोणत्याही झाडासमोर उभं राहून त्याला नमस्कार करावा व त्याच्या प्रती कृतज्ञता व्यक्त करावी.

 

सीताफळाच्या वृक्ष सानिध्यात विषारी जीवजंतू वास करतात. 

 

फुले / फळे न धरणाऱ्या - non - productive वेली (मनी प्लांट) वास्तूत नकोत. वाळवंटीय झाडे / औषधी वनस्पती परंतु काटेरी व चिक येणाऱ्या असल्यास वास्तूत अशुभ आहेत (कोरफड , कॅक्टस ). नक्षत्र वृक्ष पूजनीय व धारणीय असले तरीही वारिल नियमाप्रमाणे वास्तूत अशुभच - वास्तू परिसराबाहेर लागवड करावेत. 

 

हिवर वृक्ष घराजवळ लावूनये त्याच्या सान्निध्यातही राहू नये - कपट आत शिरतो. याच वृक्षा मुळे मंथरेत विकल्प शिरला तिच्यापासून कैकयीपर्यंत पोहचला आणि पुढे सर्व रामायण घडलं. / हिवर वृक्षा पासून चाकाची आरी बनवितात (युद्धात राजा दशरथाच्या रथाची आरी तुटली असता कैकईनी  स्वताच्या हाताची आरी म्हणून वापर केला व त्या बदल्यात दिलेल्या वाचनामुळे रामायण घडले )